РЕСПУБЛИКА ЧЕРГЕЛИГ АКЦИЯ ⚡
Тыва Республиканың Өөредилге болгаш эртем яамызы кызыгаарлаттынган хемчээлдерни, комендант шакты сагыыр болгаш уругларның чайгы дыштанылга үезинде хостуг үезин шын организастаар сорулга-биле «Мен бажыңда мен – мен кадык мен» деп республика чергелиг акцияны чарлаан.
Ада-иелерге, кырган-аваларга, кырган-ачаларга база уругларга боттарынга ук акцияга хамаарыштыр ажыктыг удуртулганы болгаш #ЯздоровПотомуЧтоЯдома (флешмобтуң чаңгыс аай хештег ады) деп солун интернет-флешмобту белеткээн. Ук флешмобка киржирде, бажыңыңарга өг-бүлеңер-биле бажың ажылы кылырда азы аалга дузалажып турар үеде чурукка тырттырып алыр, оон ук чуруктарыңарны «ВКонтакте» база «Инстаграм» социал четкилерге #ЯздоровПотомуЧтоЯдома деп хештегтиг кылдыр ыяап-ла салыр.
Чайгы дыштанылганы солун болгаш ажыктыг кылдыр эрттирер деп бодаар болзуңарза, ТР-ниң Өөредилге болгаш эртем яамызының онлайн хемчеглеринге киржиринче кыйгырып тур бис. Ол ышкаш дараазында бөдүүн дүрүмнерни сагыңар:
• Бот-аңгыланыышкын чуруму;
• Назы-хар четпээн уруглар комендант шакты ыяап-ла сагыыры;
• Школачының бажыңга хүн чуруму;
• Мөөрейлерге дистанционно киржири.
Кол-ла чүүл – комендант шакты сагыыры. Улуг улустуң хайгааралы чокка бичии уруглар хем-суг, хөлдер чаны барып болбас. Яамының акциязынга эгезинден тура, Тес-Хем, Улуг-Хем кожууннар идепкейлиг киржип эгелээн. Онлайн хемчеглер чайгы дыштанылгалар төнгүжеге чедир уламчылаар.
Хүндүлүг уруглар! Бир эвес силер социал четкилерниң идепкейжи киржикчилери болзуңарза, «Мен бажыңда мен – мен кадык мен» («Я дома — я здоров») деп республика чергелиг акцияга киржиңер!
#ЯдомаЯздоров17#РежимДня17#КомендантскийЧас17#ЯздоровПотомуЧтоЯдома#СтопКоронавирус